隱適美箍牙過程全紀錄 #康齒堂 #游舜華牙醫 #透明牙箍 (第 2 副牙箍 - refinement)

Day 296

今日日去左覆診啦，今日去左加返D粒粒，整左成個鐘呀，因為有一隻牙唔聽話，貼左3次先黏得實，個牙醫都好好耐性，中間仲不停比我漱口休息下，不過張大個口成個鐘，真係幾攰下....D粒粒返黎，個牙箍好似好力左...哈哈

過幾日我會影相比大家睇下D粒粒架啦~

Day 299

帶返個有力既牙箍之後，又開始變得唔係好識咬野食...食得好慢啦又~

應該又可以再次減肥~ 哈哈哈哈哈

應承左比大家睇下到底咩係粒粒(attachment)

去相啦...



係D牙面上面白色一粒粒個D就係"粒粒"啦

有D牙仲會貼2粒架...最左面個度就貼左2粒~

完成任務~哈哈

Day 308

上星期下排牙有一粒attachment甩左...係食緊野個陣甩既, 好彩無吞落肚啫...

約左聽日去康齒堂貼返~

最近，我愛上左一樣野，用黎清潔牙齒

事關我成日洗完牙無幾耐, 1,2個月D牙縫就已經有牙垢...

於是，早2星期買左牙縫刷黎用....

刷完牙之後，再用牙縫刷zip落D牙縫之間...

第一晚用個陣....嘩...隻隻牙都有野痴住係支牙縫刷既...

如是者, 連續用左2個星期，日日都係有咁多野刷到出黎...

用埋牙縫刷...希望唔會再咁快有牙垢啦...