隱適美箍牙過程全紀錄 #康齒堂 #游舜華牙醫 #透明牙箍 (完成篇)

Day 716

今日去拎左retainer啦~ 總共有3副

牙醫建議帶爛一副先開第2副...

呢個係retainer個盒, 外面都有貼返個大名




















入面有一個新既盒, 一本書仔, 同埋3個retainers

retainer 個樣同平時既牙箍一模一樣既, 只係硬身D

帶左之後同平時牙箍感覺無分別...

我既箍牙旅程終於完結啦~

呢個blog...唔知係咪就告一段落呢....有少少唔捨得既感覺

每次上黎打blog...都好似有好多人會陪我一齊渡過箍牙既時間...

有需要你地可以email我, 希望解答到你地既問題...

yipmyyyy@gmail.com

依家要同你地講bye bye啦~ 多謝支持!!

隱適美箍牙過程全紀錄 #康齒堂 #游舜華牙醫 #透明牙箍 (第 40 副牙箍 - refinement)

Day 688

今晚換新箍...最後一副牙箍啦~~

帶上去好似都係好好力咁...希望唔好咁痛啦

Day 691

帶左幾日, 個牙箍真係好好力...仍然是痛...

好彩已經係最後一副, 否則真係好難堅持...

Day 698

可能假期...所以要下星期先約到覆診...

即是呢副帶2星期...都好, 反正呢副都仲未帶到好鬆~

Day 702

今日去覆診啦~ 終於拆哂D粒粒啦~

好耐未見過自己滑lulu的牙齒~ 仲要咁齊, 真係好開心好開心

跟住就印牙模...做最後的固定器...

明天再見游舜華牙醫, 做最後檢查

Day 703

今日見游舜華牙醫...真係檢查...

話我箍得好...依家好齊啦~無問題...

雖然只係見左5分鐘...但係我都覺得游牙醫有做最後檢查認真唔錯...

起碼真係有跟進...

Day 710

今日收到電話, 我個retainer有啦~ 下星期2去拎~

哈哈, 真係好快手..

隱適美箍牙過程全紀錄 #康齒堂 #游舜華牙醫 #透明牙箍 (第 39 副牙箍 - refinement)

Day 673 

今日換新箍...嘩...真係好好好好緊呀~

上排牙簡直緊到有D唔O岩位咁...


Day 675

琴晚可能之前個日去左做運動, 個身D肌肉好痛...

點知訓教時D牙又好痛...痛到我有想放棄既念頭...

但係諗起只係得返最後2副, 應該要堅持落去...諗諗下就訓著左啦

當然...今朝起身除牙箍仍然好痛...

Day 683

終於有幾日假期啦~ 身邊好多朋友都去旅行...我都好想去呢~

過多幾個星期, 我就箍完牙啦~

到時真係要去返轉旅行~ 好爽好爽咁勁食先得, 哈哈~

仲要買定好多薯片係屋企...諗起都開心

睇黎, 箍完牙應該磅數上會有所增長~

Day 687

明天換第40副...緊張又興奮

隱適美箍牙過程全紀錄 #康齒堂 #游舜華牙醫 #透明牙箍 (第 38 副牙箍 - refinement)

Day 659

唉...唔開心囉....

今日去到覆診, 醫生話最後個3副牙箍都無得拆粒粒,話想我D牙固定得好D

一場歡喜一場空呀~

結果我就帶埋呢3副牙箍, 先返去一次過拆粒粒同印固定器

之後再見返游醫生double check

都係等多一個月啫...唯有咁樣安慰自己...哈哈

BTW, 今日問開介紹朋友係咪仲有得平, 原來....

10月會加價!
10月會加價!
10月會加價!

重要消息講3次~ haha

好似加2,3千蚊咁上下...

如果你地想箍既, 快D約啦~

Day 662

呢個牙箍...好強勁囉...

好耐好耐未試過咁痛, 呢幾日除出黎真係有帶第1,2副既感覺~

唔通最後幾副都係咁勁....好彩係最後3副, 如果唔係真係有d氣餒....

Day 665

忍唔住又要上黎, 因為副牙箍D力真係好勁...今日已經第6日, 都仍然有緊既感覺...

睇黎我最後呢3副要好好好好聽話帶足D時間先得啦~

Day 672

聽日要換牙箍, 呢副牙箍已經帶左2個星期, 都未有好鬆既感覺...

唔知係咪個個最後個幾副都係咁好力架呢...

隱適美箍牙過程全紀錄 #康齒堂 #游舜華牙醫 #透明牙箍 (第 37 副牙箍 - refinement)

Day 648

今日換第37副牙箍啦~ 好耐未試過換新牙箍咁開心

因為箍埋呢副就可以拆粒粒~

老實講, 我都幾唔鐘意D粒粒架....雖然話就話唔係好覺眼...

但係有時同人企得好埋咁傾計...都會見到架嘛~

人地又唔會問你係咩黎...咁尷尬....

所以聽日終於可以拆D粒粒...仲開心過就黎箍完牙~

因為箍完牙之後,夜間都仲係要帶固定器...

唔係真正擺脫個牙箍架!

Day 652

今日打左去康齒堂約下個星期二覆診~

呢幾日心情特別好~ 快D到下星期二啦~

Day 654

聽講過2日又打風啦~ 真係聽到打風都覺得心煩~

無得出街仲要無教好訓~

Day 658

聽日覆診啦~ 好緊張又興奮呀!!!

隱適美箍牙過程全紀錄 #康齒堂 #游舜華牙醫 #透明牙箍 (第 36 副牙箍 - refinement)

Day 637

今日換左第36副牙箍, 唔痛呀~ 安全過渡!

Day 641

今日同家人食飯, 講起我就黎箍完牙~

佢地都話覺得我D牙真係無再哨...個面型都瘦左...

我自己都覺得好開心, 無哂到錢同時間嘛

Day 646

琴日10號風球...真係好多年都無試過,仲要掛左成幾個鐘

屋企食正哂D風...好彩無爆玻璃~

澳門就大件事...真係無諗過咁近既地方, 竟然可以搞到咁大件事...

仲有人命傷亡, 祝福澳門同胞!!

Day 647

聽日換新牙箍, 換第37副!換第37副!換第37副! 重要既事講3次呀嘛~

隱適美箍牙過程全紀錄 #康齒堂 #游舜華牙醫 #透明牙箍 (第 35 副牙箍 - refinement)

Day 629

今日第10日啦~ 可以換第35副牙箍啦~

有睇開我個blog的話, 其實原本係7月尾我就箍完牙...

但係依家呢...8月啦~ 我都仲差4副先箍完~

所以話呢, 懶人就係蝕底D囉~

Day 634 

今日同個朋友講開, 佢剛剛開始係火炭康齒堂箍牙...

問我佢只係帶8個月, 咁短時間, 好似唔抵咁~

跟住我就解釋佢聽囉....

因為以前係2個星期先換1副牙箍, 即係佢既case其實應該帶16個月...

但係依家invisalign個邊出左研究, 話帶1星期就得啦~ 效果同帶2星期係一樣的~

所以其實無唔抵, 只係依家快左完成啫~

我係經歷由2星期先換1副牙箍到1星期換1副牙箍...

所以先解釋到比佢聽~

其實依家先箍牙既,好幸福, 因為時間短左一半呀~~~

成件事變得開心好多囉~

Day 639

聽日換新箍....仲有2副牙箍我就可以拆粒粒啦~

每日都好期待!!!

隱適美箍牙過程全紀錄 #康齒堂 #游舜華牙醫 #透明牙箍 (第 34 副牙箍 - refinement)

Day 619

今晚換左新箍, 好彩唔痛啫...已經第34副啦~

仲有3副我就可以拆粒粒啦~ 其實我都幾唔鐘意D粒粒...

因為搵條脷掃自己D牙既時候, 都係凹凸不平既, 而且近睇既話, 好似D牙起角咁...哈

不過到拆左D粒粒, D牙變返平滑既時候, 我又會唔會唔慣呢~

Day 621

話說琴日起身刷牙, 我未將第33副牙箍收返起...

刷完牙之後帶返牙箍...過左一陣突然覺得點解個牙箍帶得咁舒服既?

之後去洗手間帶另一副牙箍, 但係發現個感覺係一樣架...

因為第34副都唔痛, 所以我分唔到邊副係新邊副係舊....

之後又睇牙2副牙箍D顏色啦...通常舊個副都會黃少少, 但係竟然又分唔出...OMG

唯有再睇下有咩蛛絲馬跡啦...原來係個牙箍上面係有寫到第幾副既...

於是我就帶返第34副....哈哈

有時間影返幅相比大家睇下....

Day 626

本來今日係要換新牙箍的, 但眼見就黎cool完, 所以唔想臨尾個幾副箍得唔夠時間,

於是就打算10日先換新牙箍, 等D牙郁得好D...

其實就係自己懶,平時帶唔足22個鐘...哈哈

隱適美箍牙過程全紀錄 #康齒堂 #游舜華牙醫 #透明牙箍 (第 33 副牙箍 - refinement)

Day 610

琴晚換左新箍, 無咩痛, 唔錯呀~

而且都訓得好....最近發現好似好耐無試過換完新箍之後係咁發夢...

因為最初每次換新牙箍, 個晚訓教一定會不停發夢...

但好似好耐都無再咁樣lu...

睇黎我D牙都已經適應左俾野箍住...

Day 614

之前我咪話推介用牙縫刷同牙線清潔既...

最近呢2副牙箍, 我都用少左好多, 因為D牙開始貼返埋...無左D牙縫啦...

所以你地箍牙個陣真係唔洗怕....以為箍完牙仲多左D牙縫..

其實D牙係未郁好哂位啫...到差唔多大功告成之時....D牙縫就會無左架啦~

Day 618

明天換新箍...呢副都帶左10日啦~ 應該無問題啦~

隱適美箍牙過程全紀錄 #康齒堂 #游舜華牙醫 #透明牙箍 (第 32 副牙箍 - refinement)

Day 599

琴晚換新箍, 今朝起身以為無咩痛....

點知一除低刷牙既時候, 又酸軟...加痛~

不過今次好快無野...見到自己D門牙又好似入左DD...

心理作用....不過都係好開心~

Day 600

唔知點解今日好口痕...好想食野...

除完又帶, 帶完又除咁...D牙心想"都唔知你想點?!!"

哈哈

Day 605

今日去左覆診...牙醫話今個箍仲差少少, 叫我帶多幾日

比多左幾副牙箍我, 去到37副

佢同我講帶完第37副就可以拆attachement 啦...即係粒粒

好興奮....望見家鄉既感覺~~

如果乖乖地一星期換一副的話...即係5個星期後就可以拆attachement啦~~~

Day 609

今日係星期6, 已經帶多左4日....應該ok啦??

打算今晚換第33副牙箍~

隱適美箍牙過程全紀錄 #康齒堂 #游舜華牙醫 #透明牙箍 (第 31 副牙箍 - refinement)

Day 592

上一副又帶左2星期, 所以今日上箍都唔痛啦!

去完旅行返黎...完全holiday mode呀~哈哈

話咁快終於到31副, 見到終點啦....

我40副就箍完啦...好快呢個blog既故事都完lu...

Day 595

今日7.1回歸, 因為習近平來港, 所以好多地方都封路又人潮管制

都係留係屋企搵陣D....

今日一於放肆下, 食薯片...哈哈哈

Day 597

聽日換牙箍啦~

今個星期都帶得幾足時間~ feel到應該ok啦掛...

隱適美箍牙過程全紀錄 #康齒堂 #游舜華牙醫 #透明牙箍 (第 30 副牙箍 - refinement)

Day 580

今日換箍...睇黎會好痛...因為上箍時已經覺得好緊...點解會咁架...

Day 581

今日除箍刷牙...呀...好痛

好耐無試過咁痛...又酸...食早餐時都仲覺得酸...

諗諗下...可能因為開始郁到最前面D牙...

要向後拉, 所以特別痛...

其實就只係門牙同犬齒個幾隻痛..

不過諗諗下都係...平時去洗牙...都係前面D牙比較敏感, 容易酸軟...

好少洗牙會入面D牙痛...

其實我安慰緊自己...可以唔洗理我架..../.\

Day 591

唉丫, 真係唔好意思啦~ 上星期去左旅行, 唔記得同大家講聲添

好多留言都覆左架啦~

因為成個星期去旅行, 所以預左無咩時間帶牙箍...

於是聽日先換第31副....

隱適美箍牙過程全紀錄 #康齒堂 #游舜華牙醫 #透明牙箍 (第 29 副牙箍 - refinement)

Day 570

今日換左新箍啦....一D都唔痛~ 好開心!

Day 572

唔知係咪真係上一副帶得足呢?

呢副真係一D感覺都無, 有時仲諗係咪帶錯左舊個副....哈

Day 579

聽日換新箍, 感覺今次應該都ok...差唔多10日啦~

隱適美箍牙過程全紀錄 #康齒堂 #游舜華牙醫 #透明牙箍 (第 28 副牙箍 - refinement)

Day 559

今日覆診, 同左牙醫講我又自己延長左日子黎帶, 佢話無問題呀~

仲提我唔洗每次都帶多一星期, 可以帶10日左右都ok...

不過, 今日上新箍...都係有D痛囉...

Day 562

帶到今日先開始唔痛囉...上次牙醫話帶到唔記得36定37副, 就可以除左D粒粒啦~

好期待...哈哈....話哂d粒粒已經跟左我好耐...我都唔係幾鐘意佢地~

Day 566

今日本來換新箍, 但都係帶多2日睇下點先啦....好怕又痛~

隱適美箍牙過程全紀錄 #康齒堂 #游舜華牙醫 #透明牙箍 (第 27 副牙箍 - refinement)

Day 545

今日換新箍, 不知不覺又黎到27副, 雖然真係好嫌惡...不過日子耐左...慢慢成為習慣

有時食完野去訓晏教唔記得帶牙箍, 竟然覺得唔自在, 訓唔到教...哈哈

莫非我已經同牙箍成為了好朋友??

Day 550

今日母親節, 祝願所有母親快快樂樂, 身體健康!

今晚媽媽整左好耐送...我無送禮物比佢, 只係比左D錢佢買野

其實有時會覺得比錢好似好表面, 但係咪總比送唔O岩禮物來得好呢??

Day 552

今日換新箍, NO NO NO...仲未換得住, 因為琴日有點事, 差不多成日無帶牙箍...

沒有勇氣帶新牙箍, 所以帶多一星期啦~

Day 558

聽日去覆診, 仲要換新牙箍啦~

隱適美箍牙過程全紀錄 #康齒堂 #游舜華牙醫 #透明牙箍 (第 26 副牙箍 - refinement)

Day 538

今晚換新箍啦, 真係唔痛喎...

Day 539

雖然係唔痛, 但通常訓醒起身除牙箍都係會有D感覺既...

除個下會有少少酸軟咁, 當然好快就無事, 亦唔影響食早餐啦~

Day 544

話咁快又一星期, 聽日係第27副...

最近好似覺得進度快左咁...轉眼又一星期

隱適美箍牙過程全紀錄 #康齒堂 #游舜華牙醫 #透明牙箍 (第 25 副牙箍 - refinement)

Day 531

換新箍....因為第24副帶左2個星期, 所以呢第25副係唔痛架...

Day 535

我發覺每次換新牙箍, 頭幾日係比較關鍵既...

即係如果換完新箍頭2,3日D時間帶得好足, 好快就會覺得唔緊, 好貼牙咁

但係如果頭2,3日帶得無咁足, 就會帶到第5,6日都覺得好似唔係好貼牙咁....

唔知大家明唔明我想講咩呢? 哈哈

Day 537

明天又換箍, 基於以上理論, 今次係好貼牙既, 聽日帶新箍應該唔痛啦~

隱適美箍牙過程全紀錄 #康齒堂 #游舜華牙醫 #透明牙箍 (第 24 副牙箍 - refinement)

Day 517

今日覆診, 牙醫話我進度都幾好, 無咩問題...

其實每次覆診都唔洗等好耐, 通常5-15分鐘就OK...呢方面我都幾滿意的

我好怕每次覆診都要等好耐, 好浪費時間囉...

Day 527

好多日無打blog...因為病重...睇左2次醫生...今日先好D

因為成日頭痛, 所以有時會唔帶牙箍...於是第24副牙箍諗住帶2星期...

Day 530

終於好返...食藥都食到個人暈暈下...

聽日可以換新箍啦....

隱適美箍牙過程全紀錄 #康齒堂 #游舜華牙醫 #透明牙箍 (第 23 副牙箍 - refinement)

Day 509

今日帶第23副, 唔痛唔痛...

其實我下排牙齒已經箍好啦, 最近呢幾副都係定形...

所以其實就算箍唔夠時間,都只會係上排個牙箍緊, 有D唔舒服

下面就完全無緊呀, 痛呀, 唔舒服呀...呢D感覺

Day 513

又係happy friday...人地happy friday通常都係同朋友去飲下野,食下好野..

自從箍牙之後, 我就好少同佢地一齊去啦...

因為去親我都要除牙箍, 你知啦, happy friday梗係一路食一路吹水...

點都有3幾個鐘我係帶唔到牙箍...

為左副靚牙, 唯有放棄一下呢D活動啦~ 當然我識好多朋友箍緊牙都繼續去狂歡的~

所以我已經諗定箍完牙真係要好好盡情一下, 去個旅行勁食一番!! 哈哈

Day 516

聽日換新箍, 同埋去覆診...

好似好耐無覆診?? 係呀, 本來上3個星期要覆診...個牙醫叫我唔好咁耐先返去覆診架

但我有事去唔到, 咁O岩佢要出trip...所以等到聽日先覆診囉...

好彩D牙箍O岩O岩夠帶....

隱適美箍牙過程全紀錄 #康齒堂 #游舜華牙醫 #透明牙箍 (第 22 副牙箍 - refinement)

Day 495

今日換第22副, 無咩問題...同朋友出左去行街買波鞋

原來依家有D波鞋真係好舒服....

傾開計朋友話佢都想箍...我又同佢傾左一大輪...

諗返起前前後後我都有幾個朋友去左箍啦....覺得自己好似變左箍牙專家咁添...哈哈哈

Day 500

呢幾日好忙, 巧合地有好多朋友黎左屋企食飯...

結果好幾個晚上都無帶牙箍...

睇黎呢副牙箍要帶多一星期先得啦...如果唔係跟唔上進度都唔知點算好...

Day 504

今日去左澳門玩...係MGM有間叫北廚的幾好吃,又唔貴

其實大家去旅行既時候, 最好都係帶定上一副牙箍或下一副牙箍...

你知啦...去玩有時難免會忘形, 一陣唔見左副牙箍, 幾日無得帶既話

返到香港D牙又要受罪了....

Day 508

聽日終於可以換新箍啦~ 而且呢副帶左2星期, 應該無問題啦

有時都會心諗, 如果平時帶足D時間, 咪唔洗又延期囉...

不過當唔想帶既時候,係唔會諗到呢點的...哈哈

隱適美箍牙過程全紀錄 #康齒堂 #游舜華牙醫 #透明牙箍 (第 21 副牙箍 - refinement)

Day 484

因為唔記得換箍, 咁呢副新既又唔可以帶4日咁少架嘛, 唯有一直帶到下次換箍個日啦

無啦啦我既完成日子又延長多一星期啦....

Day 489 

帶左幾日第21副, 都習慣哂啦~

最近多左好多朋友話想箍牙, 講開佢地原來唔知我有箍緊...

隱適美果然厲害...帶左成1年幾, 竟然話唔知我有箍牙....

之後我就好似分享會咁啦....解答朋友既大大小小問題

不過都係個句, 早箍早享受...哈哈哈

Day 494

聽日可以換第22副牙箍啦~

最近唔知點解好為食, 成日都口痕想食野...

好彩呢副牙箍帶得多過一星期, 彌補返我成日除牙箍食野既時間~

你地都要記得, 如果果副牙箍成日都帶唔夠時間, 就要帶返多幾日

唔好心急換新箍, 如果唔係D牙郁既進度跟唔切, 只係你蝕底架渣...

隱適美箍牙過程全紀錄 #康齒堂 #游舜華牙醫 #透明牙箍 (第 20 副牙箍 - refinement)

Day 474

今日換新箍, 下排牙係最後一副啦...

之後下排牙個D箍全部一樣既..

今日換箍無痛喎~ 可以訓個好教lu

Day 477

因為第一日帶都唔痛, 所以呢幾日都除帶自如呀~

其實帶得咁上下日子, 除牙箍同帶牙箍已經變得係易如反掌既事

唔需要望住塊鏡...

唔需要入廁所....

唔需要摸索....

只需要2秒....就OK啦~ 哈哈

Day 483

今日食完野, 有返牙箍個陣, 突然諗起一樣野...

就係...今日明明星期4, 點解封牙箍帶左2日就已經鬆既...

於是返到屋企double check下, 原來...我唔記得換新牙箍...囉!!

最近真係忙到反天覆地....竟然連牙箍都唔記得換...

唯有當帶多幾日, 聽日先換新牙箍啦 ...

隱適美箍牙過程全紀錄 #康齒堂 #游舜華牙醫 #透明牙箍 (第 19 副牙箍 - refinement)

Day 467

今晚換新箍, 真係痛痛地...

不過下排牙已經箍好哂, 所以只係痛上面...

帶唔夠時間真係會痛架...

Day 469

今日終於好少少, 最近又開始厭惡箍牙既生活

唔知係咪天氣凍, 成日都想食野,

但係又要除牙箍, 食完又要帶返....

但一諗到帶唔夠時間會仲痛...就唯有死死氣地帶返....

Day 473

明天換新箍啦~ 真開心呀~ 一星期換一副牙箍感覺快好多~

而且副牙箍都唔洗帶到勁黃先換新~

隱適美箍牙過程全紀錄 #康齒堂 #游舜華牙醫 #透明牙箍 (第 18 副牙箍 - refinement)

Day 460

因為琴日咬爛左副牙箍...今日中午食完野之後...

我決定換新牙箍...

因為諗諗下...既然副牙箍都無左力...咁繼續帶住都無咩意思...

D牙又唔會郁...無理由為帶而帶...

於是, 我就換左第18副牙箍...

心諗上一副帶得個4日...今次實好痛啦....已經有哂心理準備

好彩都唔係痛得好誇張...可以接受...不過係唔舒服...唔O岩位咁囉...

Day 463

今日已經帶左第3日...已經正常返...

呢2晚我都儘量控制自己唔好再咬牙...哈哈

Day 466

聽日要換新箍, 明明呢副都帶左好多日, 但好似都唔太鬆

希望唔好咁痛啦....

隱適美箍牙過程全紀錄 #康齒堂 #游舜華牙醫 #透明牙箍 (第 17 副牙箍 - refinement)

Day 456

今日換新箍, 無咩野...感覺良好...

只係開始返工, holiday mood未過...而且食到好滯...哈哈

Day 459

今日起身, 除牙箍個陣發覺...點解個牙箍好似咁鬆既...

帶左3日渣喎...

仔細檢查下...原來個牙箍比我咬爛左...

係...你無睇左錯...係咬爛左 ...哈哈哈

係尾3牙同牙之間果個位,,,裂開左...

唔知係咪呢排壓力大...我自己都知訓教個陣咬到D牙好實

但係無諗過竟然咬到個牙箍爛左...

其實又唔係好爛...只係裂開左少少...所以個牙箍無咩力...

但係我繼續帶...因為我唔知可以點做, 又唔想打去診所叫佢做過副新...

因為要等新牙箍, 會延長左我完成既日子...

隱適美箍牙過程全紀錄 #康齒堂 #游舜華牙醫 #透明牙箍 (第 16 副牙箍 - refinement)

Day 450

琴晚換左新牙箍...因為上一副帶左2星期...所以上箍時都係只有少少緊~

今朝起身已經一D都唔緊, 無咩感覺! 正!

Day 451

新年前, 明明體重輕左..

只係一星期, 就已經重返4磅....嗚呀~ 新年真係大獲呀!

Day 455

明天換新箍, 今次應該都無問題啦~ 因為夜假係屋企, 時間都帶得好足~

隱適美箍牙過程全紀錄 #康齒堂 #游舜華牙醫 #透明牙箍 (第 15 副牙箍 - refinement)

Day 435

今日換第15副, 都OK, 只係有少少少少緊...無痛~

我通常換新牙箍都會用牙膏刷下, 洗下先帶...唔知其他人係咪都係咁呢?

Day 437

聽日去旅行...我已經打算好呢副牙箍帶2星期...

因為每次去旅行, 我幾乎都係夜晚訓教先帶咁滯~

今次去5日, 即係返到香港已經第7日, 邊有可能帶得夠時間呀~

所以唯有又帶2星期囉~

Day 442

今日返黎啦~ 原本就要換第16副, 但係第15副帶唔夠時間

所以今日仍然係帶第15副....

下星期先換第16副~

Day 446

恭喜發財! 新年進步! 事事如意! 身體健康!

邊有人年初一咁得閒, 當然係後黎補返數的~哈哈

今日11點就去嫲嫲家拜年食飯...

其實年廿九都去左嫲嫲家團年...初二就再上去開年

每年年尾到新年都好忙, 好多飯局!

身為香港人, 其實真係好難唔肥...

聖誕, 新年, 情人節, 端午節,復活節, 清明節, 母親節, 父親節, 中秋節....

再加上N咁多個生日飯局....有機會瘦咩?? = ="

Day  449

今日終於得閒少少啦....

呢3日好像攰過返工, 每日都愈來愈早起身...

然後夜一夜先訓...

一陣一定要訓個晏就教先得~

然後準備今晚換新牙箍

隱適美箍牙過程全紀錄 #康齒堂 #游舜華牙醫 #透明牙箍 (第 14 副牙箍 - refinement)

Day 428

今日換第14副, 上一副帶左2星期, 夠哂時間, 所以一啲都唔痛呀

Day 431

有時食野會咬到自己D牙, 唔知係咪未郁哂位...

上下牙齒有D咬合位唔對位, 所以咬到自己D牙...

呢排多左呢個問題, 特別係只用一邊牙咬野食既時候最容易咬到...

感覺好似會咬爛自己隻牙咁...個種聲又會令個身起雞皮..

希望快D快D箍完牙啦~

隱適美箍牙過程全紀錄 #康齒堂 #游舜華牙醫 #透明牙箍 (第 13 副牙箍 - refinement)

Day 414

今日換第13副牙箍, 正如我之前所講, 聖誕我特別忙, 無咩出去大飲大食...

所以牙箍都帶得好夠時間~

上箍一D都唔痛啦~

Day 418

今日係2016年最後一日~

我個blog咁就過左第二個年頭 (明明2015年10月先開blog ...哈)

時間真係過得快~

今晚又係食日本野, 放題~ 再去酒吧倒數~ 不過今年同聖誕一樣, 周圍都無咩氣氛的...

Day 419

2017 新年快樂!
祝大家心想事成, 健健康康!

呢幾日都帶得勁唔夠時數, 所以過幾日應該唔會換新牙箍啦~
要帶多一星期...

其實帶耐左, 自己就開始feel到帶得夠唔夠架啦~

個人感想:
1. 當成副牙箍咬到實一實, 都無覺得唔舒服或緊, 就OK
2. 帶牙箍或除牙箍時, 十分輕鬆, 易上易除, 亦都OK

Day 421

今日去覆診, 我很誠實同牙醫講我帶唔夠時間, 想帶多幾日~

佢十分贊同, 話我進度幾好~

下排牙再箍多2副就已經完成~ 不過D粒粒都係無得拆....

要等埋上面箍完先拆得~

Day 424

今日入左長洲, 好多年無去, 當然要掃街~

雖然好耐無去, 但食野都無咩點變, 都係個幾樣...

反而唔知係咪平日, 海鮮好平呀...$138 2個餸再送一碟菜 (LUNCH)

絕對無呃人, 份量唔細又新鮮...

不過有時帶牙箍最唔爽就係咁....無得keep住食...

食到一半成日都想帶返個牙箍 (帶唔夠時間又要再帶多幾日嘛....)

跟住成日都要帶下除下帶下除下咁....都幾厭悶~

所以我已經諗定...箍完牙之後要買一堆零食...享受下...