隱適美箍牙過程全紀錄 #康齒堂 #游舜華牙醫 #透明牙箍 (第 2 副牙箍)

Day 14

今日係診所玩左45mins....因為要加attachment (粒粒)

要逐粒貼上去再照燈(類似既野), 因為我上下共17粒, 所以玩左咁耐~

今次拎左3副箍, 即係6星期後先再覆診....

好緊張, 因為聽講加左粒粒會痛好耐....

點知完全無呢回事, 只係除箍比較難....

即晚食飯除箍都完全唔痛....食肉都無問題呀!

Day 15

今朝起身除箍刷牙, 諗住戴左成晚, d牙郁左位, 應該會痛d, 結果都係無痛...哈哈

不過仲未搵到除牙箍既竅門, 所以除箍除到一半唔上唔落既時候, d牙最痛!

Day 16

今日一如以往唔痛, 唔痛到好似個牙箍同我d牙合二為一咁, 有時都唔記得自己帶緊....

今日係度諗, 唔通我第一副牙箍實在太乖, 日日都帶足22小時, 所以帶第二副箍唔辛苦??

希望係咁, 咁我會日日都帶足時間! 哈

Day 18

今日開始搵到除牙箍既竅門, 唔識形容, 但好快就除到同埋唔痛啦!

Day 21

今日打開雪櫃, 見到我之前為了帶第二副牙箍已準備既3支乳酪飲品....完全打入冷宮

本來諗住第二副牙箍會好痛, 食唔到野, 所以買左好多乳酪飲品, 等唔洗咬都有d野可以落肚

依家我日日都照常食野, 當然真係太硬或"un"既野真係食唔到....

睇黎我既箍牙減肥夢要幻滅啦~

Day 25

話咁快仲有3日就換第三副牙箍啦, 感覺真好, 時間比我想像中過得快同輕鬆

琴日去左唱K, 因為最近都好似適應左, 帶住個牙箍無左痴脷筋

所以打算試下去唱K, 哈哈, 原來都唔係好得, 可能唱歌咬字要快好多, 所以都係出現痴脷筋

而且, 唱到咁上下, 仲會唱到個牙骹好攰....哈哈哈

Day 28

各位冬至快樂呀!! 我食完冬至飯就要換新牙箍啦!!!
因為上次拎左3副牙箍, 所以今次係第一次自己換新牙箍, 我都擔心緊會唔會帶好耐都帶唔到....

隱適美箍牙過程全紀錄 #康齒堂 #游舜華牙醫 #透明牙箍 (第 1 副牙箍)

第一副牙箍

琴晚訓得唔錯，開頭仲擔心會訓唔到，起身後都唔大感覺

但當除牙箍準備刷牙，就好痛，除完牙箍個一吓，感覺就好似拉筋拉8小時後放鬆既感覺

門牙既感覺最痛, 所以刷牙都是細細力....

之後再帶返牙箍，又是酸痛，不過半小時後又無感覺啦

總括黎講是可以接受既，帶住個牙箍有時都會唔記得自己係箍緊牙，

只係除箍同帶箍係比較痛....

Day 3

今日起身除低刷牙已經唔係好酸痛, 帶返之後都係5分鐘左右就無再痛

食野的話門牙仍然係痛, 不過已經可以咬爛D

早午突然肚瀉, 真可憐, 唔知係咪個飯盒, 依家周身唔舒服~

Day 4

今朝終於無再瀉, 已經食得少, 仲加埋肚瀉, 全身都無咩力....

今日星期6, 我決定起身唔刷牙住, 等到肚餓先刷牙食野, 免卻一次帶箍既痛楚....哈哈哈

Day 9

今日有新嘗試, 就係唔對住塊鏡戴牙箍, 我諗D牙已經定左呢個形箍個形狀, 所以非常容易帶, 亦唔痛

Day 12

今日要去飲宴, 但係唔想除箍除咁耐, 所以開頭1個鐘都係帶住黎食野~

都食到, 不過要食"林"野, 硬既都係唔得, 同埋無點任何醬汁,

所以個牙箍都無"zip"到野食, 之後就除箍食1個鐘再帶返!

Day 13

明天就要去拎第二副牙箍, 要加attachment, 有點緊張....

隱適美箍牙過程全紀錄 #康齒堂 #游舜華牙醫 #透明牙箍

前言:

細細個時無咩哨牙,  唔知點解近3,4年,  啲牙開始越來越哨,  影相時更加覺眼....

之前都打算唔箍牙,  諗住都唔細個,  箍牙咁顯眼, 怕俾人望, 而且又唔係做model, 唔洗咁靚啦!

不過, 最近有幾個朋友都箍緊, 唔係傳統鋼線箍, 而係透明的...唔講其實都唔知佢地箍緊牙~

因為咁....所以我又開始上網睇資料, 原來宜家好多人都箍緊呢隻透明牙箍叫隱適美...

尋遍各大forum後, 終於搵到合心水又唔貴既牙醫~ 仲有好心人做我介紹人tim...

第一次:

到了炮台山康齒堂, 是次見的是游舜華牙醫…..過程是咁的:

1.      姑娘向我講解傳統箍牙同隱適美箍牙的分別，箍牙原理等 (大約15分鐘)

       >> 問了幾個問題…..

Q. 食野個陣除唔除牙箍?

A.  除! 唔除的話食物或飲品可能會藏入牙套與牙齒之間,滋生細菌!

如果真係唔除就儘量唔好食重色素同濃味的!

Q. 傳統箍牙cool既時間係咪會比隱適美箍牙短?

A. 不是, 箍牙時間長短主要視乎個案複雜與否.

有些十分複雜的個案必須使用傳統箍牙方法

Q. Retainer 是否要帶一世?

A. 醫生建議箍牙後最少帶半年, 之後若能堅持, 應繼續帶

2.      之後照X光片, 便等待見游舜華牙醫, 之前SIS話游牙醫很nice….是真的! 一入房就叫我的名字, 十分親切, 然後便檢查牙齒, 有2個方案俾我, 我決定了唔剝牙的方案。

3.      牙齒衛生員幫我洗牙, 真係要一讚, 細心到不行了, 從來未試過洗牙洗得咁乾淨嫁!!

4.      印初模, 康齒堂作內部紀錄用….寄去美國的牙模是下星期才印

5.      照多一張X光片, 唔記得左係側面定正面 ^^”

6.      簽同意書及重要環節…..比錢!!!! 因為有人做我介紹人, 可以平D….

第二次:

印牙模寄美國 及 拍照

1.      印牙模上下各5分鐘….都幾攰,我個腦係度唱歌,唱完一首時間就差唔多到….

2.      拍照

第三次:

3星期後既今日已經有得睇電腦模擬圖,  果然準時 , 有朋友等了2個月 .........

>>好簡單, 入到去游醫生過黎解釋條片, 無問題的話就可以約時間 (大約2星期後) 拎牙套

>> 真開心, 我只需帶 21副牙套就可以完成療程

>> 游醫生真的很忙, 同我解釋模擬圖後就馬上去返隔離房睇牙, 咁忙都親自講解...唔會假手於人....抵讚!!

第四次:

2星期後拎牙套....

入去就教我點樣帶牙箍，我自己仲試帶....

感覺幾好，比想像中好，唔痛，感覺好似有野包住D牙

建議夜晚先開始帶, 因為帶幾個鐘後D牙就會開始郁，所以訓著教會無咁大感覺...